<img height="1" width="1" style="display:none" src="https://www.facebook.com/tr?id=306685076811977&amp;ev=PageView&amp;noscript=1">
Batzorig Begzsuren

Batzorig Begzsuren

Энтрепренер, дижитал маркетер. BZP Digital&Inbound агентлагийн үүсгэн байгуулагч. Технологи, бизнес, маркетинг, энтрепренершип, хүний хөгжлийн сэдвүүдээр бичдэг.

Нийтэлсэн: 2019-02-02, унших хугацаа: ~2 минут

Монголын ихэнх компаниуд CRM програм хэрэглэдэггүй. Гэтэл дэлхий даяар менежментэд хамгийн түгээмэл ашигладаг, үр өгөөжтэй арга хэрэгслүүдийн нэгд хэрэглэгчтэй харилцах менежментийн систем (Customer Relationship Management) зүй ёсоор тооцогддог.

Хэрэв танай байгууллага CRM ашигладаггүй бол дараах асуудлууд тулгарч буй эсэхийг эргэцүүлж нэг хараарай.

1. Хэрэглэгчийн өгөгдөл энд тэнд

Компаниуд янз бүрийн хэлбэрээр хэрэглэгчийнхээ өгөгдлийг үүсгэсэн байдгаас илүү түгээмэл нь:

  • Дэвтэр, sticky note дээр тэмдэглэдэг, эсвэл анкет хэлбэрээр цаасаар бүртгэсэн.
  • Excel, Google Sheet дээр хэрэглэгчдийн мэдээллээ бүртгэдэг.
  • Хөнгөлөлт, урамшууллын картын програм дээр бүртгэдэг. Худалдан авалтын өгөгдөл ч энд бий.
  • И-мэйлийн програмын контакт, харилцсан и-мэйлүүд.
  • Гар утасны контактууд, хийсэн дуудлагууд.
  • Дуудлагын төвийн шийдэлтэй бол орсон, гарсан дуудлагын бүртгэл.
  • Хэвлэмэл болон Google хуанлийн уулзалm.
  • Мессенжерийн чатбот.
  • Апп, онлайн дэлгүүрийн хэрэглэгчдийн бүртгэл.
  • MailChimp гэх мэт и-мэйл маркетингийн програм.
  • Google Form.
  • Төрөл бүрийн ERP модулиуд (нягтлан бодох бүртгэл, гэрээний гэх мэт)

Танай байгууллагад ч дээр дурдсан хэд хэд төрлийн өгөгдлүүд байгаа болов уу. Хэрэглэгчийн өгөгдөл энд тэндгүй тарсан, цэгцгүй байгаа асуудлыг CRM систем төрөл бүрийн програм, платформуудтай интеграци хийснээр өгөгдлийг нэг цэгт цуглуулан цэгцлэх байдлаар шийддэг.

2. Алдагдсан боломжууд

Хэрэглэгчийн өгөгдлийг маркетинг, борлуулалт, үйлчилгээ, стратеги төлөвлөлт гэх мэт олон чиглэлээр ашиглах боломжтой байдаг:

  • Маркетинг. И-мэйл маркетинг, телемаркетинг (SMS, Viber), Фэйсбүүк сурталчилгаа (утасны дугаар, и-мэйл хаягаар зорилтот бүлэг үүсгэн), Google AdWords (хайлт, Youtube видео, баннерын сурталчилгаа), гэх мэт.
  • Борлуулалт. Утсаар холбогдох, и-мэйлээр харилцах, уулзалт товлох, борлуулалтын хэлцэл, өглөг, авлага удирдах, дахин борлуулах, гэх мэт.
  • Харилцагчийн үйлчилгээ. Борлуулалтын дараах үйлчилгээ, баталгаат засвар, санал, гомдол, хэрэглээний боловсрол олгох, гэх мэт.
  • Стратеги төлөвлөлт. Судалгаа, өгөгдлийн шинжилгээ, тайлан, дүгнэлт, таамаглал, гэх мэт.

Гэтэл олон байгууллага дээрх боломжуудаас ашиглахгүй алдаж байдаг.

3. Борлуулалтын баг хэзээ, хаана, юу хийгээд байгаа нь тодорхой бус

Оффис дээрээ ч тэр, гадуур ч тэр борлуулалтын менежерүүд хаана хэнтэй уулзаж, утсаар ярьж, ямар хэлцэл хийгээд хэр үр дүнтэй байгааг мэдэж байх нь чухал. Хэрэв танай байгууллага CRM ашигладаггүй бол өөрөө асууж лавлаж эсвэл тайлан гаргуулж байж л энэ мэдээллийг олж авах болдог.

Ихэнх орчин үеийн CRM системийг гар утасны аппаар ч ашиглах боломжтой болсон тул гадуур уулзалттай яваа борлуулалтынхан ч мэдээллээ цаг тухай бүрт нь оруулах боломжтой. Удирдах ажилтан эсвэл багийнхаа хэн нэгэнд шинэ мэдээлэл тэр дор нь хүргэх, асуух, лавлах, зөвшөөрөл авах, даалгавар өгөх зэргийн явдал дундаа хийх нь хурдтай ажиллах төдийгүй багийн уулзалт, тайланд зарцуулах цагийг хэмнэнэ.

Сайн CRM системтэй байснаар хэн хаана хэнтэй уулзаж, утсаар холбогдож, хэлцэл хйиж буйг шууд мэдэж байдаг. Мөн гүйцэтгэлийн явц, борлуулалтын төлвийг бодитоор таамаглах, дүгнэлт хийх, тухайн нөхцөл байдалд тохирсон зөв шийдвэрийг хурдтай гаргахад тусална.

4. Компьютерээс хол үед мэдээлэл багатай болдог

Борлуулалтын менежерүүд гадуур явж борлуулалт хийх нь олонтоо. Энэ нөхцөлд компьютерээ ашиглах боломж хязгаарлалттай тул мэдээлэл харах, оруулахад төвөгтэй болдог тул борлуулалт илүү амжилттай хийх боломжууд алдагддаг. Ихэнх CRM програмууд, ялангуяа үүлэн технологийн шийдлүүд гар утасны апптай байдаг нь дээрх асуудлын шийдэл болдог.

5. Харилцагчдаа халамжлах, тогтоон барих

Хэрэглэгч бүр харилцан адилгүй. Танай бүтээгдэхүүн, үйлчилгээг урт хугацаанд тогтвортой хэрэглэж буй, бусдад санал болгодог, орлого оруулдаг харилцагчдынхаа тоог өсгөх, алдахгүй тогтоон барих нь нэн чухал. Зөв цагт оновчтой харилцааг үүсгэн халамжлах нь сэтгэл ханамжийг нь өндөр байлгахад тусална.

CRM-ын програм харилцагчдаа ялгах, шүүх, сегментчилэх, мөн зөвхөн тухайн харилцагчид тохирох хувьчилсан харилцааг үүсгэх боломжийг олгодог.

6. Тайлан гаргах, шинжилгээ хийхэд төвөгтэй

Тайлан хэрэгтэй юу? Хэрэгтэй. Гэвч энд тэндээс өгөгдлүүд нийлүүлж нэгтгэн тайлан гаргах нь борлуулалтын менежерүүдэд цаг их ордог, төвөгтэй ажил байдаг. Гол ажил нь болох борлуулалтад зарцуулах цагаа тайлан, тооцоо гаргахад үрдэг.

CRM системүүд төрөл бүрийн өгөгдлийг нэг цэг бүрдүүлдэг, өдөр тутмын ажлын үед өгөгдөл үүсэж байдаг тул сарын эцэст ажлын ачаалал үүсдэггүй. тайлан, шинжилгээг цаг тухай бүрт, алдаагүй гаргах боломжийг олгодог.

Хэрхэн CRM системтэй болох вэ?

Борлуулалтын үйл ажиллагаандаа CRM систем нэвтрүүлэхэд хэрэг болох зөвлөмжийн цахим номтой танилцаарай. Мессенжерээр татах бол:

 

Бид зөвлөх үйлчилгээ, сургалт мөн санал болгодог.

CRM нэвтрүүлэх үйлчилгээ

Сэдэв: Борлуулалт, CRM

Цахим ном


Click me

Мессенжерээр татах бол:

 

Сүүлд нэмэгдсэн


Онцлох зар


New call-to-action

Олон уншсан


ОНЦЛОХ ҮЙЛЧИЛГЭЭ


CRM НЭВТРҮҮЛЭХ ҮЙЛЧИЛГЭЭ

Бүх нийтлэлүүд