<img height="1" width="1" style="display:none" src="https://www.facebook.com/tr?id=304433743577933&amp;ev=PageView&amp;noscript=1">
Batzorig Begzsuren

Batzorig Begzsuren

Энтрепренер, дижитал маркетер. BZP Digital&Inbound агентлагийн үүсгэн байгуулагч. Технологи, бизнес, маркетинг, энтрепренершип, хүний хөгжлийн сэдвүүдээр бичдэг.

Нийтэлсэн: 2021-09-25, унших хугацаа: ~2 минут

Хэрэв танай байгууллагад CRM хэрэгтэй нь харагдаж байвал дараагийн асуулт нь хэзээ CRM системтэй болох вэ юм.

Харилцагчдынхаа мэдээллийг цаашид Excel дээр авч явахад хүндрэлтэй болох үед

Бизнесүүд гарааныхаа үед харилцагчдынхаа мэдээллийг дэвтэр, excel дээр гараар бүртгээд эхэлдэг. Энэ нь ч зөв. Харин тодорхой цэгт хүрээд Excel-ээс илүү түвшний шийдэл өөрөөр хэлбэл мэдээллийн систем хэрэгтэй болдог.

Харилцагч байгууллагууд, тэднээс манайхтай харилцдаг ажилтнууд, худалдан авалтуудыг харилцан уялдаа холбоотойгоор бүртгэх, дүрслэх, ойлгоход хэцүү болдог. Харилцагч болоогүй байгаа хэдий ч худалдан авах боломжтой хэрэглэгчдийн мэдээллүүд бол бүр хаягддаг.

Хэрэглэгчидтэйгээ хэзээ, хэрхэн харилцаад юу нь болоод юу нь болохгүй байгааг хэлэхэд бол бүр хэцүү. Хэрэв эдгээр асуудлууд танай байгууллагад тулгарч буй бол CRM систем нэвтрүүлэх цаг нь болсон гэсэн үг. 

 

Харилцагчийнхаа мэдээллийг бүрэн дүүрэн харахын тулд энд тэнд орж хайх, цуглуулах хэрэг гардаг

Тухайн харилцагч хэзээ юу худалдан авсныг санхүүгийн мэдээлэл дундаас, авсан илгээсэн и-мэйлийг Outlook/Gmail дотроос, наашаа цаашаа бичсэн чатыг пэйжийн инбоксоос, хаяг байршлын мэдээллийг excel-ээс, утасны дугаарыг гар утасныхаа contacts дотроос, уулзалтын тэмдэглэлийг дэвтрээсээ зэргээр хайх, цуглуулах хэрэг гарч байвал CRM хэрэгтэй болсны шинж.

Зарим харилцагчийн талаар мэдээлэл авахын тулд багийнхнаа хэн нэгнээс асууж лавлах, тайлан гаргуулах хэрэг гарна. CallPro ашигладаг бол байгууллагад ирсэн дуудлагуудын мэдээлэл дундаас хайж болох юм. Бусад зарим мэдээлэл бол бүр олдох ч үгүй, мартагдана. 

CRM системд харин тухайн харилцагчтай үүссэн бүхий л харилцааны түүх нэг дор цугладаг. Утас, мессенжер чат, и-мэйл, онлайн хандалт гэх мэт харилцааны түүхийг он цагийн дарааллаар харж болно.

Доорх жишээг харвал хэрэглэгч мессенжерээр анх хандан мэдээлэл авах үедээ дугаараа үлдээсэн, борлуулалтын ажилтан утсаар холбогдсоны араас и-мэйлээр бүтээгдэхүүн, үйлчилгээний танилцуулга илгээсэн, энэ тухай SMS илгээсэн, хэрэглэгч уг мэдээллийг нээж үзсэн, араас нь 3 хоногийн дараа эргэн холбогдох даалгавар өөртөө үүсгэн ажилласан түүхийг хялбархан уншиж болж байна.

CRM харилцааны таймлан түүх

 

Боломжит худалдан авагчдыг бүртгэх шаардлага гарч буй бол

Хэрэглэгчид утас, мессенжер, чатбот, вэб сайт, и-мэйл, Zoom зэрэг олон сувгаар хандан бүтээгдэхүүн, үйлчилгээний талаар мэдээлэл авдаг. Дэлгүүр, салбар, оффис, шоурүүм, үзэсгэлэн, яармаг, хурал зэрэгт бол бүр өөрийн биеэр зочилно. Нэг хэсэг нь худалдан авалт хийдэг бол зарим нь үгүй. 

Худалдан авалт хийгээгүй ч мэдээлэл авч байсан, хэлцэл хийж байсан хүмүүс дараа нь худалдан авалт хийх магадлал дурын хэн нэгэнтэй харьцуулахад илүү өндөр байдаг. Тэднийг бүртгэн дараа дараагийн маркетинг, борлуулалтын идэвхжүүлэлтийг хийх нь үр дүнтэй.

CRM системээ харилцааны төрөл бүрийн сувгуудтай холбосноор боломжит худалдан авагчдын мэдээллийг автоматаар бүртгэж болдог.

 

Ажлаас гарах үед ажилтанг дагаад харилцагчид болон борлуулалтаа алдаж байвал

Борлуулалтын менежерүүд, байгууллага хариуцсан менежерүүд, данс хариуцсан ажилтнууд ажлаас гарах үед харилцаа холбоо доголдох, өрсөлдөгч компанид харилцагчдаа алдах нь бий. Борлуулалтын дуусаагүй хэлцлүүд орхигдон цалгардсанаар борлуулалт хийчихээр бодит боломжуудыг ч алддаг.

CRM систем ашигладаг байгууллагууд ажилтан солигдох үед хариуцсан харилцагчид, боломжит худалдан авагчид, борлуулалтын хэлцлийг дараагийн ажилтныг томилон хариуцуулдаг. Харилцагчдын мэдээлэл системд хадгалагдсан байх тул харилцааны доголдол үүсэх нь ч бага.

 

Хэрэглэгчдийн мэдээлэлд суурилсан маркетинг хийх шаардлага гарч байвал

CRM системийг  борлуулалт, үйлчилгээ төдийгүй маркетингийн үйл ажиллагаанд ашигладаг. Харилцагчиддаа төдийгүй өмнө хандаж байсан боломжит худалдан авагчддад чиглэсэн маркетингийн идэвхжүүлэлт хийх нь үр дүнтэй.

Хэрэглэгчдийн мэдээллийн сегментчилэх, тодорхой сегментийг чиглэсэн сурталчилгаа (жишээ нь фэйсбүүк сурталчилгаа), и-мэйл маркетинг, SMS маркетинг боломж CRM-д бий.

 

Хэрхэн CRM системтэй болох вэ?

Хэрэв танай байгууллагад энэ нийтлэлд дурдсан нөхцөл байдал тулгарч буй бол CRM системтэй болох талаар судалж үзээрэй. Манай агентлагийн HubSpot CRM сургалтад хамрагдсанаар CRM системийн боломжууд, үр өгөөж хэрхэн ашиглах талаар суурь мэдлэгтэй болох боломжтой.

Сургалтаа 3 цагийн Zoom хичээл, 4.5 цагийн хэзээ ч үзэж болох видео хичээлийн хэлбэрээр зааж байна. Үнэ нэг хүн ₮50,000, эрт бүртгүүлсний 20 хувийн хөнгөлөлттэй үнэ ₮40,000. Дараагийн сургалт 2021-11-15 өдөр эхэлнэ. Баярлалаа.

New call-to-action

Сэдэв: CRM, Борлуулалт

Цахим ном


Click me

Сүүлд нэмэгдсэн


Онцлох зар


маркетинг үйлчилгээ

Олон уншсан


ОНЦЛОХ ҮЙЛЧИЛГЭЭ


New call-to-action

Бүх нийтлэлүүд