<img height="1" width="1" style="display:none" src="https://www.facebook.com/tr?id=1692500730779864&amp;ev=PageView&amp;noscript=1">

ТАНИХГҮЙ ХЭРЭГЛЭГЧЭЭС ҮНЭНЧ ХЭРЭГЛЭГЧ

Инбаундын эхний шат бол танай бүтээгдэхүүн, үйлчилгээг таньж мэдээгүй байгаа зорилтот сегментийн хэрэглэгчдийг ажил, амьдралд нь хэрэгтэй, сонирхолтой контентоор татах юм. Сошиал медиа, вэб, хайлтын систем хэрэглэгчдийг татах сувгууд байж болно.
Зочлон ирсэн хэрэглэгчийн контакт мэдээллийг авч "элсүүлэх" нь дараагийн алхам болно. Түүнд хэрэгтэй цахим ном, видео хичээл, гарын авлага, темплэйт зэргийг контакт мэдээллийн хариуд өгснөөр холбоо тогтоож сэжим болон хувиргана.  
Цахим ном татаж авсан сэжимтэй болно гэдэг нь борлуулалтад бэлэн гэсэн үг биш. Дараа дараагийн контентуудыг хүргэн сэжмийг худалдан авалтад хөтөлнө. "Арчилсан" сэжмүүдэд амжилттай борлуулалт хийх хувь хэд дахин өндөр байдаг.
Борлуулснаар бүх зүйл дуусахгүй. Олон жил бүтээгдэхүүн, үйлчилгээг хэрэглэж үнэ цэнийг нь мэдрэх үнэнч хэрэглэгчид ашиг авчирдаг. Харилцагчдаа халамжилснаар танайхыг бусдад санал болгох промотеруудыг бий болгоорой.

ИНБАУНД МАРКЕТИНГТ СУРАЛЦААРАЙ

HubSpot‬ академийн Инбаунд маркетингийн хичээлүүдээс орчуулан хүргэж байна. Эдгээр видео хичээлүүдээр та бүхэн дараахь мэдлэгийг авах боломжтой:
  • Инбаунд аргачлал, персона, худалдан авалтын замнал
  • Контент, блог, SEO, сошиал медиа
  • Үйлдэлд дуудах, газардах хуудас, баярлалаа хуудас
  • И-мэйл маркетинг
  • Смаркетинг, инбаунд борлуулалт, хэрэглэгчээ халамжлах

ВИДЕО ХИЧЭЭЛҮҮД...

ХЭРЭГЛЭГЧДИЙГ ӨӨРТӨӨ ТАТАХ

1. ХЭРЭГЛЭГЧДИЙГ ӨӨРТӨӨ ТАТАХ

Хэрэглэгчид танайх руу өөрсдөө ирж болно. Хэрэгтэй, сонирхолтой контент бүтээн зорилтот хэрэглэгчиддээ зөв цаг үед хүргэснээр тэдний анхаарлыг татаарай. Чухам хэн танай хамгийн төгс худалдан авагч болохыг мөн тулгардаг асуудлуудыг олж тодорхойлсноор тэдний чухам хайж буй үнэ цэнэтэй контентыг нь бүтээж болно. Өөрөөр хэлбэл тулгарч буй асуудлуудыг нь хөндсөн төдийгүй шийдлийг ойлгуулсан контент гэсэн үг. Хүмүүст хэрэгтэй сайн контент вэб хуудсанд органик хайлтын урсгал татдаг. Бизнесийн блог, сошиал медиа, и-мэйл зэрэг олон төрлийн сувгуудаар контентоо түгээснээр нь зорилтот хэрэглэгчдээ татна.

2. СЭЖИМ БОЛГОН ХУВИРГАХ

Танай боломжит хэрэглэгчид вэб хуудсаар тань зочиллоо. Одоо харин тэдэнд үнэ цэнэтэй контент (үнэгүй татаж авах цахим ном, сэтгүүл, видео хичээл, судалгаа, үнэ төлбөргүй зөвлөгөө, г.м.) санал болгосноор сэжим болгон хувиргах хэрэгтэй. Зорилтот хэрэглэгчийнхээ персонаг тодорхойлсноор тэдэнд үнэ цэнэтэй контентыг бүтээж санал болгоно. Уг контентыг авахын тулд хэрэглэгч өөрийн нэр, и-мэйл хаяг гэх мэт мэдээллийг оруулснаар танай сэжим болно. 

3. БОРЛУУЛАХ

Одоо харин сэжмээ "арчилснаар" бүтээгдэхүүн амжилттай борлуулан өөрийн хэрэглэгчээ болгоно. Орчин үед хүмүүс эхлээд өөрийн хэрэгцээ шаардлагаа ойлгох, дараа нь шийдлүүдийг хайх, эцэст нь бүтээгдэхүүн үйлчилгээний сонголтуудыг судлаж үзээд шийдвэрийнхээ 60 хувийг борлуулалтын ажилтан, худалдагчтай уулзахаас өмнө гаргачихдаг болсон. Энэхүү худалдан авалтад хурэх "аян замд" нь яг тэдэнд хэрэгцээ шаардлагатай контентуудыг бүтээн хүргэснээр амжилттай борлуулалтаа хаах болно. 

4. ХЭРЭГЛЭГЧЭЭ ХАЛАМЖЛАХ

Бүтээгдэхүүн, үйлчилгээгээ амжилттай зарж борлуулчихсан гэдэг нь одоо баяртай гэж хэл гэсэн үг огт биш юм. Үнэнч хэрэглэгчид шинэ хэрэглэгчдээс даруй 67%-аар илүү өндөр ахиуц ашгийг авчирдаг гэсэн судалгаа байдаг. Бид хэрэглэгчидтэйгээ байнгын холбоотой байж, санал сэтгэгдлийг нь сонсон судалж, хэрэгтэй контентуудыг хүргэснээр дахин борлуулалт хийх төдийгүй танай бүтээгдэхүүн, үйлчилгээний тухай сайн мэдээг найз нөхөддөө түгээх үнэнч хэрэглэгчийг (эванжелист, промотер, брэнд адвокат) бий болгодог.

ҮР ДҮН: БОДИТ БОРЛУУЛАЛТ БА ҮНЭНЧ ХЭРЭГЛЭГЧИД

Харилцагчдын маань бизнесийн амжилтаар бидний амжилт тодорхойлогддог. Бид зүгээр л маркетинг хийх бус үр өгөөжтэй маркетинг хийхийг зорьдог. Харин маркетингийн үр өгөөжийг хэрхэн тооцоолох вэ? BZP Digital&Inbound дижитал маркетингийн кампанит ажлуудынхаа үр дүнг шинжлэн аль ажил, аль контент, аль суваг бодит борлуулалтыг бий болгож буйг тооцоолон ажилладаг. Инбаунд маркетингийн аргачлал нь борлуулалттай салшгүй холбогдон эргэх холбоо үүсгэн ажилладаг тул борлуулалтын тоон үр дүнд суурилан маркетингийн үйл ажиллагаагаа ямагт сайжруулах боломжийг олгодог.

 

ИНБАУНД МАРКЕТИНГИЙН ҮЙЛЧИЛГЭЭНИЙ БАГЦУУД

Та манай инбаунд маркeтингийн үйлчилгээний талаар илүү дэлгэрэнгүй танилцах хүсэлтэй бол доор холбоосоор зочлоорой.

ИНБАУНД АРГАЧЛАЛ...

Инбаунд маркетингийн үйлчилгээ