<img height="1" width="1" style="display:none" src="https://www.facebook.com/tr?id=304433743577933&amp;ev=PageView&amp;noscript=1">
Batzorig Begzsuren

Batzorig Begzsuren

Энтрепренер, дижитал маркетер. BZP Digital&Inbound агентлагийн үүсгэн байгуулагч. Технологи, бизнес, маркетинг, энтрепренершип, хүний хөгжлийн сэдвүүдээр бичдэг.

Нийтэлсэн: 2021-04-28, унших хугацаа: ~8 минут

CRM систем нь харилцагчидтайгаа үүсгэх аливаа харилцааг оновчтой удирдахад туслах зорилготой. И-мэйл нь аливаа байгууллагын хувьд харилцааны гол сувгуудын нэг тул интеграц хийн холбох шаардлагатай. 

 

Яагаад и-мэйлээ CRM системтэй холбох хэрэгтэй вэ?

Та өөрийн и-мэйлийг HubSpot CRM программтай холбож ашиглах нь дараах ач холбогдолтой:

  • Харилцагчид илгээж буй и-мэйлийг тухайг харилцагчийн таймлайн дээр автоматаар бүртгэх;
  • Дээрх байдлаар илгээсэн и-мэйлийн хариуг автоматаар бүртгэх;
  • CRM систем дээр харилцагчийн мэдээллийн хэсгээс и-мэйл илгээх (и-мэйлийн програм руу шилжилгүйгээр);
  • CRM дээрээс илгээсэн ч и-мэйлийн програм дээр автоматаар бүртгэгдэх тул хаанаас ч илгээсэн ижил үр дүнд хүрнэ;
  • И-мэйлийг тухайн мөчид бус тодорхой цагийн хуваарьт оруулан илгээх;
  • И-мэйлийн програм дээрээс тухайн хэрэглэгчийн CRM дээрх мэдээлэлд хандах, удирдах;
  • Илгээсэн и-мэйлийг харилцагч хэзээ, хэд нээж үзсэнийг тандах;
  • Дахин, дахин илгээдэг и-мэйлүүдийг загвар темплэйтүүдэд оруулан CRM болон и-мэйлийн программ аль алинаас нь дуудаж ашиглах.

Энэ интеграцыг хийснээр CRM систем и-мэйлийн программыг орлохгүй. И-мэйлийн программ дээр и-мэйлийн бүхий л харилцаагаа удирдах бол CRM систем нь тухайн харилцагчтай хийх уулзалт, дуудлага, чат, и-мэйл, хэлцэл, санал гомдол зэрэг бүхий л харилцаагаа удирдана.

Хэрэв HubSpot CRM байхгүй бол Хэрхэн Hubspot CRM Free үйл ажиллагаандаа ашиглах вэ? нийтлэлд оруулсан зааврын дагуу нээж үнэ төлбөргүй ашиглах боломжтой.

Практикт хэд хэдэн и-мэйлийн шийдлийг түгээмэл ашигладаг ба холбох процесс нь ялгаатай. HubSpot CRM системийг дараах шийдлүүдтэй холбож болно. Google болон Office 365 нь үүлэн технологи тул холбоход хялбар, бүрэн дүүрэн холбогдож ажиллана.

  1. Google Gmail/GSuite. Хялбар.
  2. Microsoft Office 365. Хялбар.
  3. IMAP/SMTP. Сервер, портын тохиргоо хийх шаардлагатай. Outlook программд нэмэлт add-in суулгаснаар холболт хийнэ. Webmail дээр холболт хийх боломжгүй тул Outlook ашиглах шаардлагатай.
Microsoft Exchange ашигладаг бол миний 99091623 дугаар эсвэл batzorig@bzp.mn хаягаар хандана уу. Бид HubSpot компанид хандан бета холболт хийж өгөх боломжтой.

Хэрэв та POP сервер ашигладаг бол CRM дээрээс и-мэйл илгээх холболт хийх боломжгүй. И-мэйлийг серверээс тухайн компьютерт татаж авах байдлаар ажилладаг тул олон программ зэрэг холбогдон ажиллах боломжгүй байдаг. Харин Outlook программ дээрээ нэмэлт add-in суулгаснаар илгээж буй и-мэйлүүдээ CRM системд автоматаар бүртгэх боломжтой. 

 

И-мэйлээ HubSpot 'CRM-тай холбох

HubSpot портал дотор settings тохиргооны хуудсыг нээнэ. Зүүн гар талын цэсүүдээс General > Email сонголтыг хийнэ.

И-мэйлээ HubSpot CRM-тай хэрхэн холбох вэ?

Connect personal email товчийг дарснаар и-мэйлийнхээ шийдлийг сонгоно. Exchange сонголт харагдахгүй бол дээр дурдсанчлан бидэнд хандана уу. IMAP/SMTP ашигладаг бол Other mail account сонголтыг хийнэ.

И-мэйлээ HubSpot CRM-тай хэрхэн холбох вэ?

Аль ч сонголтын үед Turn on inbox automation сонголтыг хийснээр и-мэйлийн гарын үсгийн мэдээллээс хэрэглэгчийг өгөгдлийг автоматаар цуглуулах боломжтой.

И-мэйлээ HubSpot CRM-тай хэрхэн холбох вэ?

 

1. Gmail/GSuite холбох

Connect your Google account to HubSpot CRM цонхыг Continue дарж үргэлжлүүлнэ.

Choose an account цонхноос холбох гэж буй Google дансаа сонгоно.

HubSpot wants to access your Google Account цонхонд Allow товчийг дарж холболт хийх зөвшөөрлийг өгснөөр холболт амжилттай хийгдэж дуусах ба и-мэйлийн холболт Enabled гэж харагдана. Заавар видео үзээрэй.

Download Extension товчийг дарж Gmail рүү HubSpot холбох процессыг эхлүүлж болно. Эсвэл Download the email extension хэсгээс дараа нь суулгах боломжтой. Энд харин Chrome вэб хөтөч ашиглах шаардлагатай. Энэ холболтыг хийснээр Gmail дээрээ CRM ашиглах, илгээж буй и-мэйлээ автоматаар CRM системд бүртгэх боломжтой. Зааврыг видеоноос үзнэ үү.

 

2. Office 365 холбох

Office 365 сонголтыг хийснээр холболтыг эхлүүлнэ. Өөрийн Office 365 и-мэйл хаягийг оруулах ба Let this app access your info? цонхонд Yes товчийг дарснаар шаардлагатай эрхүүдийг өгөх сонголтыг хийснээр холболтыг баталгаажуулна.

 

3. IMAP/SMTP холбох

IMAP/SMTP ашигладаг и-мэйл хаягийг холбоход сервер ба портуудын хаягийн мэдээлэл хэрэгтэй болно. Settings > Objects > Activities > Email Logging > Add IMAP settings цэсээр хандан админ эрхтэй хэрэглэгч и-мэйл серверийн тохиргоо хийнэ. 

И-мэйлээ HubSpot CRM-тай хэрхэн холбох вэ?

Цонхонд өөрийн домэйн нэр, IMAP сервер ба порт, SMTP сервер ба портын хаягуудыг нууцлалгүй протокол ашиглах эсэх тохиргооны хамтаар оруулж хадгална.

Серверийн хаяг байгууллага бүрийн хувьд өөр бөгөөд портын дугаарууд доорх жишээнд харуулснаас ялгаатай байж болохыг анхаарна уу.

IMAP/SMTP холбох

Хэрэв та Outlook ашигладаг бол Account settings цэсээс эдгээр мэдээллийг олж харах боломжтой. Чадаагүй бол өөрийн админд хандана уу. 

Тухайн хэрэглэгч өөрийн холболтыг хийхдээ Other mail account сонголтыг хийнэ. Админ дээрх тохиргоог оруулсан тохиолдолд өөрийн и-мэйл хаяг болон нууц үгээ оруулан холболт хийнэ. Амжилттай тохиолдолд Enabled төлөвт орно.

И-мэйлээ HubSpot CRM-тай хэрхэн холбох вэ?

Дээрх тохиргоог хэрхэн хийх заавар видеог үзээрэй.

 

4. Outlook дээр HubSpot холбох

Windows үйлдлийн системтэй компьютерт Outlook программд HubSpot нэмж суулган ашиглах боломжтой. Энэ холболтыг хийснээр Outlook дээрээ HubSpot CRM ашиглах, илгээж буй и-мэйлээ автоматаар CRM системд бүртгэх боломжтой. Зааврыг видеоноос үзнэ үү.

 

HubSpot дээр Signature оруулах

HubSpot дээр и-мэйлийн гарын үсэг буюу signature оруулахад танд html хувилбар шаардлагатай.

Settings > General > Email цэсийг сонгоно. Edit email signature товчийг дарснаар Signature тохируулах цонхыг нээнэ. 

HTML сонголтыг хийгээд Signature цонхонд өөрийн гарын үсгийн html кодыг буулгахад Preview хэсэгт бодит дүрслэлээр харагдана. Save товчийг дарж хадгална.

И-мэйлээ HubSpot CRM-тай хэрхэн холбох вэ?

Signature тохиргоог хийснээр CRM дээрээс и-мэйл илгээхэд таны гарын үсэг автоматаар доор нь байршина. И-мэйл илгээж буй доорх жишээг харна уу.

Хэрэв гарын үсгээ шинээр хийх бол HubSpot Email Signature Generator үнэгүй онлайн хэрэгслийг ашиглан загвар гаргах, гарын үсгээ болон html кодыг хуулж авах боломжтой. Уг программыг хэрэглэх заавар видео үзээрэй.

 

HubSpot дээрээс и-мэйл илгээх

Дээрх холболтыг хийснээр HubSpot CRM программ дээрээс тухайн харилцагч руу и-мэйл шууд илгээх боломжтой. Илгээсэн и-мэйл таны Gmail, Outlook зэрэг и-мэйлийн программ дээр давхар хадгалагдана.

И-мэйл илгээхдээ тухайн контактын мэдээлэлтэй хуудсан дээрээс зүүн дээд буланд байрлах и-мэйл товчийг дарна. 

 email from crm

Send товчийг дарж и-мэйлийг илгээнэ. Харин Send Later товчийг дарснаар дараа илгээхээр хуваарьт оруулж болно.

И-мэйлээ HubSpot CRM-тай хэрхэн холбох вэ?

Илгээсэн и-мэйл тухайн контактын таймлайн дээр хадгалагдана. И-мэйлийг хэзээ, хэд нээсэн, линк даралтын тоог мөн харах боломжтой. Харилцагчаас хариу ирсэн бол нэг дор хамт хураагдана. 

И-мэйлээ HubSpot CRM-тай хэрхэн холбох вэ?

 

Дараагийн нийтлэлээр Gmail болон Outlook программ дотор HubSpot CRM программыг холбож суулгах талаар танилцуулъя.

 

Дотоод и-мэйл CRM системд бүртгэгдэхээс хэрхэн сэргийлэх вэ?

Харилцагчидтай солилцож буй и-мэйлүүдийг CRM системд бүртгэх нь чухал. Гэтэл баг дотроо бие биедээ илгээсэн и-мэйл CRM системд бүртгэгдэх нь зохимжгүй. Нягтлангаас гүйцэтгэх захиралд танилцуулахаар илгээсэн нийгмийн даатгалын тайланг жишээ нь CRM дотор бүртгэж огт болохгүй. 

HubSpot CRM дотор бүртгэхгүй и-мэйл хаягууд болон домэйн нэр тохируулах боломжтой. Жишээ нь манай агентлаг *@bzp.mn гэсэн бүх хаягийг Never log тохиргоонд нэмж өгснөөр дотоод и-мэйлүүдээ CRM системд оруулахгүй блоклодог. 

Үүнийг Settings > Objects > Activities > Email Logging хуудаснаас Add emails or domains сонголтыг хийн тохируулна.

never-log

 

И-мэйлийг CRM системд бүртгэх

Дээр зааснаар Gmail болон Outlook дээрээ HubSpot нэмэлт программын суулгасан үед и-мэйл илгээхдээ Log to CRM сонголтыг хийн илгээхэд CRM системд автоматаар бүртгэгдэнэ. Track Email сонголтыг хийснээр и-мэйлийг хүлээн авагч нээсэн эсэхийг мэдэх боломжтой.

Settings > Objects > Activities > Email Logging хуудсан дах Manual logging хэсгээс BCC хаягийг олж авч болно. Энэ хаяг нь ########@bcc.hubspot.com бүтэцтэй. Энд ######## нь танай CRM порталын дугаар байна. Хаанаас ч и-мэйл илгээхдээ энэ хаяг руу BCC хийн давхар илгээснээр CRM-т лог бүртгэх боломжтой.

Харилцагчаас и-мэйл шууд ирсэн тохиолдолд CRM системд шууд бүртгэгдэхгүй. Учир нь ирж буй и-мэйл бүр CRM дээр бүртгэгдээд байх нь зохисгүй. CRM руу лог хийн илгээсэн эсвэл CRM дээрээс илгээсэн и-мэйлд ирсэн хариу харин шууд бүртгэгдэнэ.

Шууд ирсэн и-мэйлийг ########@forward.hubspot.com хаяг руу forward хийж илгээн бүртгэх боломжтой. Энэ хаягийг Settings > Objects > Activities > Email Logging хуудсан дах Manual logging хэсгээс олж харж болно.

 

Хэрхэн HubSpot CRM системийг ашиглахад суралцах вэ?

Манай агентлагийн HubSpot CRM онлайн сургалтад хамрагдсанаар сурахад энгийн хялбар, үнэгүй шийдлийг үйл ажиллагаандаа ашиглаад эхлэх боломжтой.

Дараагийн сургалт 2021-11-15 өдөр 14:00 - 15:00 цагуудад эхэлнэ. Та энд дарж сургалтын хөтөлбөртэй танилцах, хөнгөлөлттэй бүртгүүлэх боломжтой.

Үйл ажиллагаанд нэвтрүүлэх үйлчилгээний мэдээлэл авах бол энд дарна уу.

New call-to-action

Сэдэв: CRM, HubSpot, Борлуулалт, HowTo

Цахим ном


chatbot ebook

Сүүлд нэмэгдсэн


Онцлох зар


New call-to-action

Олон уншсан


Quiz


ОНЦЛОХ ҮЙЛЧИЛГЭЭ


Мессенжер чатбот хийх үйлчилгээ

Бүх нийтлэлүүд