<img height="1" width="1" style="display:none" src="https://www.facebook.com/tr?id=304433743577933&amp;ev=PageView&amp;noscript=1">
Batzorig Begzsuren

Batzorig Begzsuren

Энтрепренер, дижитал маркетер. BZP Digital&Inbound агентлагийн үүсгэн байгуулагч. Технологи, бизнес, маркетинг, энтрепренершип, хүний хөгжлийн сэдвүүдээр бичдэг.

Нийтэлсэн: 2020-06-15, унших хугацаа: ~2 минут

Орчин үед технологиуд micro-service хэлбэрээр ажиллаж харилцан холбогдон бүхэл бүтэн систем үүсгэх болсон нь бизнест цоо шинэ боломжуудыг нээж буй.

Үүнтэй зэрэгцэн эдгээр системүүдийг харилцан интеграц хийж ажилладаг Integration Platform as a Service (IPAAS) төрлийн платформууд гарч ирсний нэг нь Integromat. Бид энэ төрлийн хэд хэдэн шийдлүүдийг хэрэглэж туршиж харьцуулсны дараа хийсэн сонголт юм.

Бид уг программыг Slack руу мэдэгдэл өгөх, Google, Facebook, HubSpot ба ManyChat хооронд өгөгдөл синхрончлох, андройд утсаа удирдах зэрэг төрөл бүрийн автоматжуулалтад ашигладаг.

 

400 гаруй технологиудыг харилцан холбох, интеграц хийх боломж

Integromat түгээмэл ашигладаг 400 гаруй шийдлүүдийг шууд холбон ажиллуулж чадна.

Дараах жишээнд хэрэглэгч мессенжерийн чатбот дээр үйлдэл хийхэд CRM дээрээс уг хэрэглэгчийн мэдээллийг аваад фэйсбүүк сурталчилгааны бүлэгт нэмэх, улмаар и-мэйл болон мессеж илгээх процесст нийт 5 ялгаатай технологийн хооронд өгөгдөл дамжуулсан байна.

Integromat түгээмэл ашигладаг Google, Facebook, HubSpot, ManyChat, Slack гэх мэт 400 гаруй шийдлүүдийг шууд харилцан холбож чадна.

Мөн HTTP, JSON, XML, SOAP ашиглан REST API бүхий аливаа программтай холбох боломжтой. Нэг программаас нөгөөд өгөгдөл автоматаар шидэх байдлаар ажилладаг webhook технологийг ч дэмжинэ.

ХОЛБООТОЙ: BZP Digital&Inbound агентлаг Integromat-ын партнер боллоо

 

Код бичилгүйгээр бизнесийн процессоо автоматжуулах боломж

Бизнесийн процессыг автоматжуулах нь бүтээмж өсгөх төдийгүй шинэ боломжуудыг авчирч байдаг. Гэтэл бизнес байнгын өөрчлөлт орж байдаг. Ялангуяа маркетинг. Өдөр тутмын өөрчлөлтүүдийг хатуу кодоор бичсэн програмд тухай бүр нь оруулаад явна гэдэг бол шүүдрийн ус цуглуулж цай чанах мэт төвөгтэй ажил. 

Код бичилгүйгээр бэлэн модулиудыг угсарч хийдэг тул Integromat дээр процесс автоматжуулах ажлыг технологийн бус хүмүүс жишээ нь маркетерууд хийж чаддаг. Өөрийнхөө ажлын процессыг хүн хэнээс илүү ч сайн хийчихдэг.

Дараах scenario буюу урсгалын жишээнд манай байгууллагын 77001623 дугаарт дуудлага ирэхэд ажиллах процессыг харагдаж байна. Дуудлага зохицуулах Callpro программ хэрэглэгчийн дугаарыг сонгосон цэсийн хамтаар webhook-ээр ирүүлснийг HubSpot CRM дээрээс хайгаад бүртгэлтэй харилцагчийн мэдээллийг уг дуудлагыг авах боломжтой менежерүүдийн Chrome хөтөч дээр сонордуулга байдлаар харуулна.

Дуудлага авч буй менежер сонордуулгыг дарж уг хэрэглэгчийн дэлгэрэнгүй мэдээлэлд хором зуур хандаснаар илүү өгөөжтэй харилцаа үүсгэнэ. Мөн уг хэрэглэгчид бусад сувгаар (и-мэйл, мессенжер, SMS гэх мэт) шаардлагатай мэдээлэл илгээх, санал гомдол бүртгэх, тодорхой менежерт хариуцуулах зэргээр дуудлагын араас дор бүрт нь ажиллах боломжтой.

Хэрэглэгчийн сонгосон цэснээс хамааран сонирхлыг тодорхойлон CRM системд тэмдэглэх ба уг дугаарыг фэйсбүүк сурталчилгааны бүлэгт нэмснээр нь сегментчилэх,  дараа дараагийн маркетингийн идэвхжүүлэлт хийх боломжийг бүрдүүлнэ.

callpro example

 

Үнэгүй хувилбартай бас хямд

Үнэгүй хувилбарт бүхий л боломж нь багтсан тул та туршиж үзэх, шийдэл гаргахад нээлттэй. Харин нэг сард хийгдэх үйлдлийн тоогоор 1,000-аар хязгаарлагддаг. 

Төлбөртэй хувилбарууд сарын $9-оос эхэлдэг тул энэ төрлийн шийдлүүд дунд хамгийн хямд. Ачаалал ихтэй саруудад нэмж багц авах байдлаар төлбөрөө оновчилж болдог.

integromat-pricing

 

Хэрхэн ажил хэрэг болгох вэ?

Манай агентлагийн CRM нэвтрүүлэх, чатбот хийх болон дижитал маркетингийн үйлчилгээний хүрээнд бид Integromat программыг автоматжуулалт, интеграцчилалд ашиглан нэвтрүүлдэг. Та дараах холбоосыг дарж үйлчилгээний танилцуулга мэдээлэл авах боломжтой. Баярлалаа.

CRM НЭВТРҮҮЛЭХ ҮЙЛЧИЛГЭЭ

Сэдэв: Маркетингийн автоматжуулалт, Martech, Integromat, API

Цахим ном


Click me

Мессенжерээр татах:

 

Сүүлд нэмэгдсэн


Онцлох зар


 CRM НЭВТРҮҮЛЭХ ҮЙЛЧИЛГЭЭ

Олон уншсан


Quiz


ОНЦЛОХ ҮЙЛЧИЛГЭЭ


Мессенжер чатбот хийх үйлчилгээ

Бүх нийтлэлүүд