<img height="1" width="1" style="display:none" src="https://www.facebook.com/tr?id=304433743577933&amp;ev=PageView&amp;noscript=1">
Naigalmaa Badamdorj

Naigalmaa Badamdorj

CRM, дижитал маркетинг, эрүүл мэндийн контентын чиглэлээр мэргэшиж буй маркетер.

Нийтэлсэн: 2019-05-19, унших хугацаа: ~5 минут

Тэмдэглэл: Анх 2017-12-04 өдөр нийтэлснийг шинэчлэн найруулсан болно.

Танай бүтээгдэхүүн, үйлчилгээг худалдан авах боломжит хэрэглэгч буюу сэжмийн мэдээллийг онлайнаар бүртгэн авах аргуудаас танилцуулъя.

Сэжим үүсгэх нь (англиар lead generation) аливаа байгууллагын өдөр тутмын үйл ажиллагааны нэгэн хэсэг мөн. Утсаар залгаж мэдээлэл авах, нэрийн хуудсаа өгөх, анкет бөглөх, сургалтад бүртгүүлэх зэрэг нь боломжит худалдан авагчийн сэжим үүсэх хэлбэрүүд мөн.

Харин онлайн ертөнцөд сэжим үүсгэх арга замууд илүү олон төрлийн төдийгүй энгийн хялбар, зардал багатай байдаг.

Сэжмийн мэдээллийг бүртгэхэд танд хэрэглэгчтэй харилцах менежментийн систем буюу CRM (Customer Relationship Management) програм хэрэгтэй. Байхгүй бол hubspot.com/crm холбоосоор зочлон үнэгүй CRM програмтай болох боломжтой.

 

Landing page буюу газардах хуудас

Газардах хуудас нь хэрэглэгчийн холбоо барих мэдээллийг бүртгэн авах зорилготой вэб хуудас юм. Энд хэрэглэгч мэдээллээ оруулах боломжтой бөгөөд форм бөглөхөд талбаруудын өгөгдлийг CRM системд автоматаар бүртгэнэ. Чухам ямар зорилготой хуудас вэ гэдгээс хамааран уг хэрэглэгчтэй дараа, дараагийн харилцааг үүсгэх юм.

Газардах хуудсыг хэрэглэгчдийн мэдээлэл бүртгэх "дижитал ажилтан" гэж ч хэлж болно. 7 хоногт 24 цаг тасралтгүй ажилладгаараа давуу талтай. Танай вэб сайтад чанартай газардах хуудас олон байх тусам борлуулалтын боломж өснө.

Газардах хуудсыг хэрэглэгчдэд контент түгээх төдийгүй бүтээгдэхүүн, үйлчилгээний танилцуулга өгөх, төрөл бүрийн хүсэлт, захиалга авах, бүртгэл хийх зорилгоор үүсгэж болно.

Жишээ болгон дараах хуудсуудтай танилцаарай:

 

Бүтээгдэхүүн, үйлчилгээний танилцуулга татах хуудас

Аливаа бүтээгдэхүүн, үйлчилгээний танилцуулгыг татаж авах нь хэрэглэгч худалдан авалтын замналынхаа шийдвэр гаргах шатанд буйг илэрхийлдэг. Чанартай сэжим байх магадлалтай тул холбоо барьснаар борлуулалт хийх боломжтой.

Жишээ болгон Glamour кредит картын танилцуулга татах хуудастай танилцана уу.

 

Үнийн санал авах хуудас

Үнийн санал авах хүсэлт нь худалдан авалт хийх сонирхлын шууд илэрхийлэл мөн тул борлуулалт хийх боломж өндөртэй, өөрөөр хэлбэл чанартай сэжим байж чаддаг. Иймд хэрэглэгч сонирхлоо илэрхийлэх боломжуудыг аль болох нээж өгөх хэрэгтэй.

Манай агентлагийн чатбот хийх үйлчилгээний үнийн санал авах хуудастай танилцаарай.

Мессенжер чатбот хийх үйлчилгээ

 

Мессенжер, вэб сайтын чатбот

Чатбот нь мессенжер болон вэб сайтын чат дээр хэрэглэгчтэй автоматаар харилцах компьютерийн програм юм. Маркетинг төдийгүй борлуулалт, харилцагчийн үйлчилгээний аль алинд нь ашиглах боломжтой.

Ботыг CRM системтэй холбосноор мессенжерээр ирсэн хандалтыг борлуулалтын багт түргэн шуурхай шилжүүлж болдог.

Манай агентлагийн Slack дээр боломжит худалдан авагчийн мэдээлэл ирж буй жишээг дор орууллаа. Борлуулалтын менежер нэрийг нь дарж CRM руу шилжих эсвэл утасны дугаарыг нь дарж шууд залгах боломжтой.

bot_lead_notification

Мессенжерийн чатботыг вэб сайттай холбох боломжтой. Жишээ нь та https://m.me/bzp.mn?ref=bot холбоос эсвэл дараах товчийг дарж чатбот хийх үйлчилгээний үнийн санал фэйсбүүк мессенжерээр авах боломжтой.

 

Фэйсбүүкээс сэжим үүсгэх

Фэйсбүүкийн Lead Generation буюу сэжим үүсгэх сурталчилгаа нь газардах хуудастай зарчмын хувьд ижил хэдий ч хэрэглэгчийн Фэйсбүүк дэх бүртгэлээс нь автоматаар бөглөгддөг тул илүү хямд бөгөөд хялбар байж чаддаг.

Харин вэб сайтын газардах хуудас органик хандалтаар илүү чанартай сэжим үүсгэж чаддагаараа давуу тул аль алийг хослуулан ашиглах нь зүйтэй.

Сэжим үүсгэх сурталчилгааг CRM програмтай холбосноор хэрэглэгчийн өгөгдлийг автоматаар CRM дээр бүртгэж болдог.

Lead Generation сурталчилгааг хэрхэн хийх тухай инбаунд маркетер М.Амаржаргалын Фэйсбүүк хэрэглэгчийн мэдээллийг хэрхэн бүртгэх вэ? нийтлэлтэй танилцана уу.

 

Утасны дуудлагаас сэжим бүртгэх

Танай байгууллагын дугаарт ирж буй дуудлагууд худалдан авалт хийх боломжит хэрэглэгч байх магадлал өндөр. Хүлээн авсан дуудлага бүрт бүртгэл үүсгэх нь борлуулалт хийх боломж алдагддагийг багасгана.

Дуудлагын төвийн шийдлийг CRM системтэй интеграц хийн холбосноор дуудлагын бүртгэл хийх, ярианы бичлэг оруулах, дуудлагын дагуу ажиллах даалгавар автоматаар үүсгэж болдог.

Жишээ нь бид CallPro дуудлагын төвийн шийдлийг ашигладаг ба дуудлага авах бүрт CRM дээр дараах лог автоматаар хийгддэг.

callpro

 

Сэжим үүсгэх үйлчилгээ бий юу?

Бид танай зорилтот хэрэглэгчдийн анхаарал, сонирхлыг татсан, энгийн ойлгомжтой, хэрэглэгчийн боловсрол олгох, бүтээгдэхүүн, үйлчилгээний онцлог, ялгарлыг таниулсан дижитал контентууд бүтээх, олон сувгаар цогц байдлаар түгээн идэвхжүүлэх инбаунд маркетингийн автоматжуулалтын үйлчилгээг санал болгодог.

Боломжит хэрэглэгчийн өгөгдлийг CRM системд үүсгэдгээрээ онцлогтой. Дараах холбоосоор зочлон дэлгэрэнгүй танилцах, үнэ авах боломжтой. Баярлалаа.

New Call-to-action

Фэйсбүүк мессенжерээр үнийн санал авах бол:

Сэдэв: Инбаунд маркетинг, CRM, Инбаунд борлуулалт, Сэжим, Sales

Цахим ном


Click me

Мессенжерээр татах:

 

Сүүлд нэмэгдсэн


Онцлох зар


 CRM НЭВТРҮҮЛЭХ ҮЙЛЧИЛГЭЭ

Олон уншсан


Quiz


ОНЦЛОХ ҮЙЛЧИЛГЭЭ


Мессенжер чатбот хийх үйлчилгээ

Бүх нийтлэлүүд